സ്വച്ഛതാ ഹി സേവ 2026 ക്യാമ്പയിൻ ഫ്ലാഗ് ഓഫ്
September 25, 2026
സ്വച്ഛതാ ഹി സേവ 2026 ക്യാമ്പയിൻ ഫ്ലാഗ് ഓഫ്
ഒറ്റശേഖരമംഗലം ഗ്രാമപഞ്ചായത്തിന്റെ ആഭിമുഖ്യത്തിൽ "സ്വച്ഛതാ ഹി സേവ 2026" ക്യാമ്പയിന്റെ ഫ്ലാഗ് ഓഫ് ചടങ്ങ് 2026 സെപ്റ്റംബർ 25-ന് മണ്ഡപത്തിൻകടവ് ജംഗ്ഷനിൽ വെച്ച് നടന്നു. "കൈയ്യോട് കൈ ചേർക്കാം, മാലിന്യ രഹിത പുതുമുഖ കേരളത്തിനായി" എന്ന സന്ദേശം മുൻനിർത്തിയായിരുന്നു പരിപാടി.
ഗ്രാമപഞ്ചായത്ത് പ്രസിഡന്റ് ശ്രീ. അജയകുമാർ ഡി ക്യാമ്പയിൻ ഔദ്യോഗികമായി ഫ്ലാഗ് ഓഫ് ചെയ്തു. ചടങ്ങിൽ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ശ്രീ. എം. സുന്ദരനും, ആരോഗ്യ-വിദ്യാഭ്യാസ വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ശ്രീ. ഫഹദും ഉദ്ബോധനം നടത്തി, ശുചിത്വ പരിപാലനത്തിന്റെയും മാലിന്യമുക്ത നാടിന്റെയും പ്രാധാന്യം ജനങ്ങളിലേക്ക് എത്തിച്ചു.
വാർഡ് മെമ്പർമാർ, ഹരിതകർമ്മ സേനാംഗങ്ങൾ, വിവിധ രാഷ്ട്രീയ കക്ഷി പ്രതിനിധികൾ, പഞ്ചായത്ത് ഉദ്യോഗസ്ഥർ എന്നിവർ ചടങ്ങിൽ പങ്കെടുത്തു. പ്രചാരണ വാഹനത്തിൽ "ശുചിത്വ മിഷൻ" ബാനറും ശുചിത്വ സന്ദേശങ്ങളും പ്രദർശിപ്പിച്ചിരുന്നു. ഗ്രാമപഞ്ചായത്ത് പ്രദേശത്തുടനീളം ശുചിത്വ ബോധവൽക്കരണം നടത്തുന്നതിന്റെ ഭാഗമായാണ് ഈ ക്യാമ്പയിൻ വാഹനം ഫ്ലാഗ് ഓഫ് ചെയ്തത്.